Puisi-puisi IDK Raka Kusuma; Utusan
 |
| Sumber Gagambaran: id.pinterest.com |
Nak Luh Bali
santep
majalan
di
sirahné aturan
nak
luh Bali
langgeng
sajroning ati
gita
sembah lan bakti
Utusan
kori
diwangan
tuni
suba mampakan
ia
i utusan
duh,
tondén masi teka
ngabaang
surat Ida
Sanja
ngribis
ujané
makeber
sesapiné
malila
cita
apa
nè igelanga
anè
nawang tuah ia
Sandikala
keleb
suriané
suba
paak petengé
gisi
atmané
apang
sing kanti ilang
malingé
ngenahilang
Semengan
galang
badangin
liang
pesan nepukin
kedisé
nguci
gendingan
mapangapti
bagia
isin gumi
Puja Tri Sandhya, 1
Puja
Tri Sandhya
sabilang
endag surya
kembang
guminé
Puja Tri Sandhya, 2
Puja
Tri Sandhya
sabilang
tajeg surya
kembang
ainé
Puja Tri Sandhya, 3
Puja
Tri Sandhya
nyabran
panelah saja
kembang langité
Cecek
saja
lan saja
swara
santep pasaja
nyambat
sasmita
IDK Raka Kusumaembas ring Getakan, Klungkung, 21 Novémber 1957. Dané nyurat makudang-kudang puisi mabasa Bali, satua bawak, esai basa Bali, miwah novélét mabasa Bali. Lianan ring punika, dané taler nyurat puisi, cerpén, lan ésai mabasa Indonésia. Kakawian-kakawian danéné sané mabasa Bali kawedar ring Bali Orti (Bali Post), Médiaswari (Pos Bali), Bali Aga, Jurnal Kawi, miwah Canang Sari. Lan kakawian dané sané mabasa Indonésia kawedar ring Bali Post, Nusa Tenggara, Karya Bakti, Warta Bali, Nafiri, Warta Hindu Dharma, Minggu Pagi, Kedaulatan Rakyat, Mimbar Indonésia, Suara Nusa, Pikiran Rakyat, Suara Karya, Sinar Harapan, Berita Buana, Républika, Singgalang, Analisa, Cak, Kolong, miwah Romansa.Ring warsa 2002 dané ngamolihang Sastra Rancagé antuk baktin ipun ring pangembangan sastra Bali malarapan antuk Majalah Buratwangi lan taler 2011 antuk kakawiannyané sane mamurda “Sang Lelana”. Ngamolihang Penghargaan Widya Pataka saking Gubernur Bali warsa 2012 antuk cakepané sané mamurda “Bégal”. Sareng pangawi saking Karangasem dané ngwangun sanggar sané mawasta Sanggar Buratwangi, lan dané taler dados silih sinunggil pangremba ring sanggaré punika. Dane nyujur sunia loka, 5 Agustus 2023.
.jpeg)
No comments