Hoax Ngranayang Negarané Rugi

Olih: Satria Adiyatma Hans

Sumber Gagambaran: satelitpost.com

Indonésia dados genah hoax lan genah kaulegan! Lengkara punika sampun stata wénten ring krama Indonésia lan kauningin ring média sosial lan babaosan krama sami ring éra modérn mangkin. Babaosan puniki sajalan sareng pernyataan Kementrian Komunikasi lan Informatika (Kominfo) inggih punika wénten 800 tali situs ring Indonésia sané nyebarang hoax lan kaulegan punika, saking 132 yuta sané nganggén internét, 65% sampun wénten ring pengaruh internétnyané, niki ngranayang negarané rugi. Niki ngaryanang pemerintah Indonésia patut nangkep sané nyebarang hoax punika nganggén strategi penindakan.
Gelisnyané informasi global. Indonésia magenah ring urutan 60 - 61 negara sané keneh ngawacén (Céntral Connénticut Staté University), sakéwanten 80% sané nganggé média sosial inggih punika bajang teruna. Ngilangang hoax lan kaulegan sané nénten nyingakin awig-awig utawi aturan becik lakar ngaryanang bajang teruna mangkin méweh kaselametan. Niki sané sampun mamargi ring Pemerintah Indonésia lan patut dados babaosan olih parlemén modérn sané dados répreséntasi kramané antuk nyingakin pamargi ngilangin hoax lan kaulegan.
Nyingakin saking sané sampun kamargian olih pemerintah Indonésia, sujati nyané ngilangin hoax ring Indonésia sampun polih préstasi sané becik sakéwanten kirang pencegahan.
“Sampunan ngantos sané wénten misahang, ngindayang maluang domba. Nika patut kawates, maluang domba, nika patut kawales!” baos Jokowi sapengrauh ring Rakernas III Projo kelapa Gading, Jakarta utara, Redité (Kompas, 4/9/2017). Pemerintah ring rahina punika malih karasa ring pengusutan kasus olih baréskrim polri sané ngaryanan pelaksanayan organisasi Saracén vonis penjara 2,8 tiban olih pengadilan saking pasal 45 ayat 2 Juncto Pasal 28 ayat 2 Undang-undang Républik Indonésia. Nomor 11 tahun 2008 ngamuat Informasi Téknologi lan Élektronik (ITE). Pikolih punika ngungkapan 800 tali situs hoax lan molihang aprésiasi saking DPR.
Ring sisi sané lianan inggih punika pengargan pencegahan, pangargan pemerintah kabanding sané kalaksanayang. Pemerintah kabaosang durung madué pencegahan sané jakti. Conto nyané makarya régulasi salanturnyané nglaksanayang sosialisasi, utawi nincapan program literasi Indonésia. Kacihnayang saking data UNESCO pikayun literasi ring Indonésia wantah 0,001 persén, punika ngranayang ring kauningan kramané sareng sami antuk ngemilih gatra ipun pinih sor. Sané lianan platform média sosial contonyané google, whatsapp, twitter, lan facebook sané patut kaawasin. Pemerintah durung mresidayang ngalahang platform média sosial antuk ngawales hoax sané kabuktiang sareng nincapnyané perséntase hoax lan kaulegan 4% ring tahun 2017 perséntase nyané ngatos 92,40% aplikasi percakapan (chatting) 62,80%, situs wéb 34,90%, sakéwanten ring télevisi wantah 8,70%, média cétak 5%, émail 3,10%, lan radio 1,20%.
Saking peristiwa ring baduur polih kesimpulan inggih punika pemerintah durung mresidayang ngilangin hoax ring ranah nusantara puniki. Nyihnayang saking kakaryan pemerintah ring utsaha ngilangin hoax léwat utsaha pencegahan, Parlemén (DPR) polih ngalaksanayang ngicénin penilaian antuk pemerintah léwat tata cara konkrit kaanggén nyelametin Bangsa Indonésia saking hoax lan kaulegan.

1. Hak ngicénin suara
Yéning aturan pemerintah kirang optimal ring ngaturang keterangan hak interpelasi. Parlemen dados ngicénin pikayun ring pasamuan paripurna. Pikayun punika pemerintah patut ngelawan hoax léwat utsha pencegahan anggé meminimalisir hoax ring krama nyané. Lan antuk nyelametin warihnyané, pencegahan punika  utsaha sané pinih beneh, nénten lali warihnyané mangkin inggih punika melék digital sané instan, sakéwanten nénten kaimbangin sareng literasi sané becik.

2. Fungsi Législasi
Iraga uning parlemén madué karya utama ring pembentukan lan ngelaksanayang perubahan undang-undang. Ring kontéks puniki, undang-undang sané kabaosan inggih punika undang-undang Républik Indonésia Nomor 11 tahun 2008 tentang Informasi Téknologi ( ITE). Indik sané patut kasempurnayang minakadi:

(1) Platform média sosial, législasi puniki dados kalaksanayang sané marupa integrasi pencegahan hoax lan kaulegan sareng léwat BSSN, Kominfo, lan platform média sosial sareng ngilangin kruna-kruna provokatif, SARA.

(2) Sosialisasi lan program literasi, législasi puniki polih kaserengan UU pendidikan dados nincapan pikayun ngawacén ring masyarakat Indonésia. Selaturnyané léwat literasi sané becik, krama polih milih gatra sané beneh.Niki meminimalisir akéh nyané hoax lan kaulegan.

3. Fungsi Anggaran
Selanturnyané légilasi sané kukuh, anggaran sané kaanggén nénten becik. Olih asah punika, anggaran polih saking program literasi punika silih sinunggil cabang pendidikan. Sakéwanten sisi lianan ketegasang pemerintah antuk ngawales hoax, anggaran pemerintah antuk pendidikan ring 142 daerah. “UUD kepatutang numbasang 20 persén APBN lan APBD antuk pendidikan,” baos Sri Mulyani ring Hotél Merlynn, Jakarta Pusat, sukra 1 Désémber, wénten 142 daérah sané durung jangkep. Niki wantah nénten patut nyané ngaratayang alokasi pendidikan dados utsaha pencegahan hoax lan kaulegan.

4. Fungsi Pengawasan
Risampun jangkep tata cara ring baduur, pamuput nyané léwat fungsi pengawasan kebijakané sami, penganggaran, pengaplikasian pemerintah ring ngilangang hoax lan kaulegan patut kaévaluasi mangda nyelametin bangsa puniki saking kakalih punika. (*)



Satria Adiyatma Hans
kantun masekolah ring SMA Negeri 1 Blahbatuh, Gianyar.

1 comment: