Satanisme Sané Nilik Para Yowana

Olih: Ida I Déwa Nyoman Merta Semara Bawa 

Indik kruna satanisme minab nénten lumrah ring agama Hinduné. Satanismé wantah istilah Barat, nagnutin etimologi-nyané satanisme mawit saking kruna satan mawit saking basa Ibrani sané mateges tungkas, langgana wiadin pisuna, ring basa Arab syaitonsanémategesdohsakingkabecikan.

Yéning kruna satanisme punika mawit saking kalih kruna inggih punika satan (setan) miwah isme (faham/kepercayaan). Risajeroning American Herritage Dictionary wantah wentuk ngamuja iblis wiadin sané kaon, nyinggihang iblis antuk ngalaksanayang tata cara agama Kristen, parikosa tur maparilaksana buka iblis corah. Kruna satan puniki lumrah ring agama Abrahamik sekadi Kristen miwah Islam. Nganutin daging persepektif agama Kristen pamekas ring Kitab Perjanjian Baru kruna satan punika mawit saking kruna“stn” sané mateges tungkas wiadin meseh (adversary), raja pisuna (slander) lan ngaonang wiadin ngiwangang (accuse).

Yéning nganutin perspektif agama Islam satan utawi setan masuksma sombong wiadin cangkah cumangkah kambil saking kruna syathana. Quraish Shihab ngamolihang kasuksman saking makudang-kudang Al-Quran miwah Hadist, inggian kruna setan nénten sawates ring manusa miwah demit, nanging mapaiketan ring sakancan parisolah sané kaon tur nénten madasar agama.

Vexen Grabtie pinaka silih tinunggil penganut satanis,  risajeroning cakepannyané sané mamurda Who is Satan? Introduction nyobiahang satanis mesoroh agama sanénéntenpercaya ring Widhi (Tuhan). Sané ngamiletin gama puniki percaya wantah déwéknyané buka Widhi, tur nganggep sané nénten patut punika patut wiadin becik, sané nista miwah leteh (Shihab, 1999:94).

Prasida kacutetang satan (setan) inggih punika wantah silih tinunggil pakardin Widhi (Tuhan Yang MahaEsa) sané matungkas wiadin lémpas saking dharma tur prasida ngranayang kapetengan ring i manusa.

Manusa sané nyumbah satan (bhuta) nunas mangda kadohang saking bancana miwah panyakit. Nyumbah satan punika nganutin istilah modern lumrah kabaos demonolatry, sané kapercaya sampun wénten duk ilu pisan, sekadi ring kawéntenan silih tinunggil suku ring Amerika Selatan sané kabaos Okee, warga Haiti utawi warga Hispaniola sané nyumbah Jocanna (setan) (Seng, 2007:22-24).

Ring panumaya abad ka-20 Masehi gerakan  satanisme puniki kasobisahang secara rasional tur kawedar indik dasar-dasar agemnyané, nganutin pamargin aab modern sané mapaiketan ring rasionalis-materialis. Gerakan punika kamanggalain olih Aleister Crowley (Tasmara,1999:97). Thelema wastannyané sané merihang manusa sané ngamiletin mangda maparilaksana ngadokang ambek prasida ngamolihang sané aptiang.

Raris ring warsa 1960 ring wewidangan Amerika wénten Anton Szandor LaVey sané ngwangun gereja setan ring wewengkon San Fransisco ring warsa 1966 tur manados uratian media duk punika. Nglantur ring warsa 1975, akéh pamilet gereja setan sané magingsir tur ngranjing ring organisasi sané kawastaninThe Temple Of Setm sané kawangun olih Michael A.Aquinos, Lilith Sinclair (karonannyané), lan Betty Ford (karonan saking Presiden Gerold Ford), magenah ring San Fransisco AmerikaSerikat.

 

Simbol-Simbol Satanisme Sajeroning Kauripan Modern

Yanti Kusuma Déwi (2019) risajeroning seseleh sané mamurda“Simbol-Simbol Satanisme Dalam Perspektif Teori Simbol Ernst Cassirer” nyobiahang ring soang-soang paguyuban satanisme punika pastika kacihnayang antuk simbol. Sajeroning parilaksanannyané paguyuban satanisme punika pastika ngagem simbol sané kasingidang. Inggian simbol-simbol punika ring aab modern kantun prasida kapanggih, minakadi;

1) Baphomet, pinaka silih tunggil simbol satanisme tradisional tur sampun kasub. Baphomet puniki wantah silih tunggil titisan satan, simbol kanggén nyumbah setan (http: //id.wikipedia.org/wiki/Satanisme).

2) Penthalpa wiadin pentagram mawentuk nyungsang wantah simbol sané sampun wénten duk zaman Babylonia sané kanggén simbol ritus utawi upacara. Nanging ring aab globalisasi sané mangkin simbul puniki kanggén simbol pemujaan setan.

3) Goat of Mendez, wantah simbol kesuburan miwah kebebasan seksual (nyanggama). Kanggén piranti pemujaan olih kaum pagan (penyembah Iblis) ring wentuknyané segilima sané nyungsang sekadi tendas kambing. Simbol puniki kagawé olih Maurice Bessy.

4) Salib Terbalik, wantah silih tinunggil simbol satanisme sané mawentuk Salib sané nyungsang pinaka simbol rasa pitungkas ring Tuhan (Kristus). Simbol puniki kagawé olih St.Peter pinaka nyihnayang rasa nénten satinut ring Tuhan (Kristus). Kawéntenan salib terbalik puniki nénten lémpas saking sejarah Kaisar Nero sané nyalib Saint Petrus antuk nyungsang pinaka cihna nénten cumpu ring Kristus.

5) Angka 666 utawi kabaos The Beast 666 sané munggah ring Kitab Injil miwah Perjanjian Baru. Sané pinaka simbol pawijilan panitisan sang mraga corah wiadin cemer.

6) Mano cornuto, jeriji manis miwah jari tengah nujuh maka simbol beburon sané sering kanggé nolih band heavy metal.

7) Sigil of Lucifer, simbol puniki sampun kasumbah duk aab Yunani Kuno olih warga Yunani.

Simbol-simbol satanisme puniki akéh kanggén olih musisi-musisi band sekadi Heavy Metal. Ring pinanggal 3 November 2008 grup band Behemoth ngelarang konser ring Vicky Sianipar Music Center, Jakarta lan mamargi sukses. Risajeroning konsernyané setata ngunggahang simbol-simbol setan lan prasida nudut para pamiarsané. Raris Gorgoroth pinaka silih tunggil band black metal sané polih konser ring Indonesia ring April 2015 sané kapromotorin olih Ki Gendheng Pamungkas ring Bogor, Jawa Barat. Visual satanisme miwah paganism-nyané dahat kentel pisan. Pamuputné kakalih grup band punika kalarang konser ring Indonesia duaning kanggep sesat.

 

Promosi  Satanisme Majeng Para Yowana Ring  Era Modern

Sajeroning podcast saking channel Bouboucool TV ring Youtube sané karemba olih Bou taler pinaka founder Detektif Astral (DA)  ring pinanggal 5 Agustus 2022 sané taler maderbé channel sané sampun ngamolihang aketi subscriber tur nyobiahang indik carita supernatural miwah periblisan. Ring channel inucap kasobiahang inggian organisasi-organisasi rahasia sekadi Illuminati pinaka pagayuban rahasia sané sampun wénten duk abad pencerahan. Organisasi kapercaya maderbé kakawasa nyalanang sakancan agenda antuk sekala global tur pacang ngwangun Tatanan Dunia Baru (World New Order). Illuminati puniki kapercaya nguasayang sakatah media informasi miwah hiburan. Silih tunggilnyané budaya K-Pop. K-Pop pinaka silih tunggil budaya sané kasub ring dura nagara kantos ring Indonesia. Utaminnyané para yowana seneng pisan kenjekan pacang nonton idol K-POP sané manggung.

Nénten akidik para teruniné sané kabaos kalengeran tat kala nonton musisis K-Pop inucap napi malih warnin para artis wiadin penyanyiné sané bagus tur jegég ngranayang kantos lali ring padewékan ipun. Diastun K-Pop pinaka silih tinunggil genre musik sané kasenengin olih para teruna-teruniné nanging ipun nénten uning inggian sajeroning performance-nyané wiadin sesolahannyané puniki nganggén simbol-simbol marupa gambar miwah pose tangan sané mawentuk mata satu. Mata satu wiadin all seeing eye puniki masuksma antikristus dajjal miwah nginté sakancan jadma ring jagaté. Ring K-Pop nénten arang para pangrembané taler artis lan aktris-nyané nganggé simbol-simbol wiadin kode pemujaan Iblis sadéréng miwah rikenjekan péntas. Sekadi imbanyané silih tinunggil band K-Pop Shinee ngaryanin lagu sané mamurda “LUCIFER”. Ring laguné punika nginggilang personifikasi iblis sané mawasta lucifer (Youtube Channel Bagi Bagi). Taler ring sajeroning lagu boyband BTS sané mamurda Blood Sweat and Tears akéh pisan nuansa satanisme ngawit saking iringan musik, simbol-simbol marupa patung, warna, lirik lagu, wiraga miwah busana (Channel Youtube  Bouboucool TV & Detektif Astral).  

Ri sajeroning tayangan Detektif Astral (DA) sané karemba olih Bou, Willy Haryadi, Adam Lucius, Aileen, Jesslyn ring konten sané medal  ring tanggal 25 November 2021 sané mamurda  “MENGUNGKAP Konser Pemujaan IBLIS ASTROWORLD TRAVIS SCOTT II DEDUKSI ASTRAL I PART 1”, nyobiahang ri sajeroning konser Travis Scott punika akéh kapanggihin unsur-unsur satanic sekadi paksi api manut Willy Haryadi wantah symbol hypnotic pengendali kerumunan. Foster sané muat gambar iblis cilik sané enggang, taler ring fosternyané madaging sesuaratan “The True Dystopia Is Here!” utawi yéning terjemahang masuksma wantah driki narakané sujati. Konser Travis Scott sané kalaksanayang ring tanggal 5-6 November warsa 2021 ring Festival Astroworld sané sampun ngranayang kutus diri ngemasin mati. Riantukan rikenjekan konser inucap mamargi penonton ipun sané kocap akéhnyane séket tali diri punika madesek-desekan lan madangsek-dangsekan.  Majanten industri entertainment wiadin hiburan pinaka slilih tinunggil cara sané masif tur dangan sané kanggén mempromosikan paham inucap. Ring aab jagat sekadi para yowana wiadin gen Z punika akéhan cacep nganggén smartphone miwah sosial media. Napi malih kahanan psikologi para yowanané ring aab sekadi mangkin sané kabaos labil pastika dangan pisan keni iusan negatif saking kawéntenan hiburan miwah teknologi.

Mongol ri sajeroning Podcast Dedy Corbuzier ngwedarang agenda Satanik ring Indonesia pacang mamargi warsa 2025 kacihnayang antuk para yowana sané kidik maderbé sraddha bhakti ring Tuhan Yang Maha Esa utawi Ida Sang Hyang Widhi Wasa utawi kabaos ateis. Riantukan kahanan gejolak miwah pikobet sané setata madaging embel-embel agama ngranayang para yowana apatis wiadin ten cumpu malih ring ajahan agama.

Satanisme Ring Indonesia

Konsep satanic puniki pungkuran rauh ka Indonesia lan sampun ngwangun makudang-kudang organisasi sané nilik para yowana sekadi Children Of God. Children Of God pinaka silih tinunggil sekte satanis sané wénten ring warsa 1984. Organisasi puniki dumun ngarekrut para yowana lan nyebarang ajaran seks bebas (gamia). Awinan asapunika Pemerintah Indonesia ngamedalang Keputusan Jaksa Agung Nomor  058/3/1984 tertanggal 12 Maret 1984 sané dagingnyané ngalarang sakancan peredaran sahananing aran miwah pakaryan sané mapaiketan sareng Children Of God (Kompas.com, 13 Maret 2022)

Yadiastun sekte satanisme ring Indonesia sampun kalarang, nanging satanisme mamargi secara underground wiadin nyilib. Manut makudang-kudang mantan satanisme ring Indonesia sekadi Mongol satanisme tat kala ngruruh anggota punika sifat-nyané nyilib-nyilib tan prasida kauningin,

Sepatutnyané para yowanané setata nincapang sraddha miwah bhakti ring Ida Sang Hyang Widhi Wasa mangda setata kapica pamineh sané becik mangda nénten keni iusan negatif saking globalisasi. Peran para guru rupaka, guru pangajian taler guru wisésa taler mabuat pisan ri sajeroning ngicén pawarah-warah sané becik majeng truna-truniné.

 

Referensi

CURHAT BANG Denny Sumargo (Director). (2021, July 14). KONSPIRASI MALAIKAT di GEREJA SETAN trus PERANG AKHIR ZAMAN, JANGAN LUPA BAWA PEDANG https://www.youtube.com/watch?v=vpwV-VsSfh8 

Deddy Corbuzier (Director). (2021, July 1). MERINDING GUE DENGER INI, GOKIL‼️ SEREM ABIS‼—Mongol—Deddy Corbuzier Podcast. https://www.youtube.com/watch?v=ZMRzWwXdgio

Dewi, Y. K. (2009). Simbol-Simbol Satanisme Dalam Perspektif Teori Simbol Ernst Cassirer. Jurnal Filsafat, 19(1

MONGOL STRES DITERIMA SEKTE SETAN, SYARAT HARUS HUJAT NABI l BERBEDA TAPI BERSAMA HABIB JAFAR Podcast. https://yout.be/DeU4rSE8zOM?si=hP_yeliSjK2wEBLy

Kompas.com