Lali Mabasa Bali

Olih : I W. Wikana-Seraya

Guminé sané mangkin,

Né mawasta jaman téknologi,

Cerik miwah kelih,

Omongané tuah géngsi.

Tusing inget basa ibu,

Sané wantah patut kagugu,

Turmaning pinaka guru,

Anggén margi ngrereh rahayu.

Lali mabasa Bali,

Serahina mabasa luar negri,

Lali masor singgih,

Sinah nglaliang undagan titi.

Guminé sayan maju,

Basa Bali sayan layu,

Nagingin manah mangda cadu,

Ngawi rahayu tan katemu.