Jaruh

Olih: Sutéja Naréndra

 

"Sedang Action" Gagambaran I Gusti Ayu Kadek Murniasih

Jaené ruruh

Ngubadin puruh

Nyelimurang inguh

Dini ditu patuh

Nyén sing jaruh

Makejang patuh

Muani lawan luh

Bapa jaruh

Mémé jaruh

Nyai jaruh

Cai jaruh

Icang jaruh

Makejang jaruh

Momo jaruhé turuh

Luh muani maburuh jaruh

Gelah timpal lumbih lebuh

Somah ka tandruh

Pianak tan ka weruh

Jagaté letuh

Ngulurin jaruh

Tuyuh gupuh

Inguh bincuh

Puruh buduh

Pati ka pangguh

Yén suargané ruruh

Sikut jaruh apang weruh

Tutur suci pican hyang tuduh

Gemel tekekang kukuh bakuh

Apang bina tekén sato maikuh

******

Ngopi pait,roko katih

Bongkol punyan salaké mémbon

6-11-16