Puisi-puisi Ni Luh Pebri Ani Suwarsini; Dakin Gumi

Sumber Gagambaran: id.pinterest.com

Sisia Kelas VIII A SMP Negeri 2 Sawan, Buleleng

Lacur

 

Sakit makaukudan déwék

Daki makaukudan awak

Katartar kebus matan ai

Limané ngaap

Muané kebus

 

Kenyel kabayah aji pipis

Sakéwala mabinaan

tekén anak ngisang pulpén

Belog iban tityang

Sebet baan kenehang

 

Nyesel

Nyesel né bakatang titiang

Nuléngék tegeh pakeber anaké nyujuh langit

Sakéwala déwék titiang

patikaplug di betbeté di alasé

 

Uduh, Ratu Saraswati

Pedih lan sakit suba dadi abesik

Gedé pelih tityangé

Miwalin tutur rerama

Lacur idup di gumi

Mugi tan mawanti-wanti

 

(Bungkulan, Oktober 2024)

Dakin Gumi

 

Kenapa tusing ada anak nolih?

Kenapa tusing ada anak marengin?

Kenapa tusing ada anak rungu?

Tityang dini tuah dadi dakin gumi

 

Kebus lan belus

Tityang taanang

Mémé ngeling

Ulian berek keneh

Panak-panakné paling

 

Sing ké jeroné makeneh?

Kondén ké jeroné ngrasayang?

Disubané i mémé kroda

Ditu pasti lakar nyesel iba

 

(Bungkulan, Oktober 2024)

Di Sekolah

 

Dini di tongos ibi

Tityang saget padidi

Sunarin matanai

Sakéwala sing ngidaang

nglipetin galang sunaran matanainé ibi

 

Tingalin muncuk doné ulap-ulap

Buka anake ngaukin

Ngajak macanda

Girang

 

Sakéwala ento tuah don-donan

Disubané layu

Disubané ampehang angin baret

Ditu ia lakar malaib makaber

Ngejohin awak tityang  

 

Tityang jejeh

Nyeh di tangkah

Tityang padidi

Lakar timpalin sepi

Buka kelas-kelas

katinggal kenyung guru lan murid

 

Apa ngidaang suaran jangkrik ba daja

Nguliang ramé pakrikikan canda

Apa ngidaang rasa kesiran anginé jani

Nekedang rasa iseng di ati

 

(Bungkulan, Oktober 2024)

I Malu

 

Ha...Hi...Ha...Hi...

Kendel di ati nyangetang

Buka bungané mara kembang

Sing pegat ningalin

Kenyem manis di bibih

 

Nanging ento tuah i malu

mangkin titiang padidi

Katimpalin sepi

Tan kadi né ibi

 

Uduh, Ratu

Niki ké paduman titiang?

Nyesel né bakat mangkin

Nanging suba sing ngidaang

Nglipetin galang kangin ibi

Pedih né setata tepukin

Mangkin tiang padidi

Tan ada né nimpalin

 

(Prime Plaza Sanur, Oktober 2024)