Puisi-puisi I Gdé Nyana Kesuma; Aduk Sera Bengu
Petani
Sing
ada luungan
Idup
bagia abian dogén
Tusing
amah jaman
Tusing
pati liu itungan
Tusing
nawang baat makeneh
Ané
ada tuah rasa
Rasa
tis lan bagiané matumpuk
Nales
keneh larané
Seledétang
kangin gadang lumlum
Mirib
bin duang bulan suba dadi saupang
Seledétang
kauh suba ngangsan wayah
Dadi
alih umbi-umbiné nyangket cara engket
Seledétang
kelod suba masawang-sawang
Dadi
alap buahné maijasan
Seledétang
kaja tusing ngenah nanging santer maboo
Saget
suba ada ulungané disamping matan batisé
Né
suba madan legan keneh
Né
suba madan upah tuyuh
Apa
ané tanemin ento jani alapin
Kadirasa
wareg tan pa neda
Bagiané
tusing ngidang nambakang
Mirib
sebeté masih tusing bani paak
Kéto
nyen yén dadi petani
Gumi Sayah
Galahé
majalan
Cara
rodan pedatiné
Buin
di betén
Buin
di duuran
Ané
jani liu nungkalik
Ané
di duuran mapi-mapi maguyang
Ané
di beténan seken-seken mepanggang
Mirib
saja guminé ngangsan sayah
Makejang
merasa lalah
Bedik
tusing jengah
Tuah
ngandelang munyi
Tiang
sing maan kéné
Tiang
sing maan kéto
Yén
dadi orain kedat
Melahang
kedaté
Anak
liu pisaga ané naenang seduk basang
Sisikin
buluné
Patilesang
déwéké
Pandemi
Aduh.....
Adah.....
Aduh.....
Kéngkén
sujatiné guminé jani
Cihna
apa né
Kaliuga
né
Apa
né jani
Kéngkén
né jani
Med
tiang med
Kenyel
tiang kenyel
Ngoyong
jumah
Kudiang
né jani
Rindu
tiang rindu
Dot
tiang dot
Mapulpul,
matemu, maguyang
Ngalih
liangé
Aduk
Sera Bengu
Inguh
paling kenehé
Maitungan
ané tusing tepuk
Unduk
ané bakat duduk
Kéweh
baan narka
Tuah
ngidang dadi tukang tulis
Pipisné
ija kaden malaku
Telah
amoné
Anggon
kéné
Anggon
kéto
Ané
enu tuah booné dogén
Yén
dadi saplar gidaté makeneh
Bulak-balik
plingseranga
Kéné
pelih
Kéto
pelih
Kudiang
jani baan ngundukang
Unduké
suba kaliput baan entut
Né
teka ngorang kéto
To
teka ngorang kené
Telah
suba dayané
Kaliput
baan sera bengu
.jpeg)
No comments