Puisi-puisi Ayu Tunjung; Tampak Lampah Singaraja - Karangasem

Supartika

Kenangan 

Singaraja

Irika akéh kenangan kasimpen

Nyama pat irika nyarengin

Saking embas 

Kantos tamat SD

Singaraja kota kelahiran 

Ring taman kota

Tongos titiyang maplalianan

Malaib nguber acepan

Menékin punyan ancak 

Ngacepang nyidayang ngalap ipian 

Irika naler wénten kenangan 

Sané natunin hati

Sakit pisan karasayang

Ten mresidayang  kaengsapang

 

Peken  Beléléng

Semeng 

Karasa dingin nusukin tulang

Tiyang majalan ka peken

Yadiastun  matanai durung ka jaba

Nglintangin Patung Singa

Sané pageh magenah irika

Sekadi ngicenin semangat 

Nyalanin karman idup

Ring Peken Beléléng tiyang maadolan 

Ngrereh pangupa jiwa

Genah anak matumbasan teka lan magedi

Pasar sekadi genah sané ngangenin

Ngrereh sakancan sané kasaratang

Tampak Lampah Singaraja - Karangasem

Singaraja kota sané akéh madué segara

Angin ngusapin  keneh titiang sané maadukan

Sapanjang jalan nyimpen cerita

Bahagia lan lara

Tan sida kaengsapang

Sané mangkin

Titiyang  magenah ring Karangasem

Gunung Agung pageh magenah irika

Sabilang semeng Gunung Agung satya makenyem

Kasaputin ambu putih 

Nénten naenin ngumik

Yadiastun hujanan lan panesan

Lédang pisan nerima

Nyontohin iraga nyalanin hidup

Apang setata lascarya lan bakti