Kasuna Ngulah Pati Ulian Sosmed
Olih: Ida Idewa Nyoman Merta Semara Bawa, S.Pd. Dkk
Di Jagat Bangsul ada anak luh ngelah panak dadua ané gedénan adanina I Kesuna lan ané cerikan adanina I Bawang. I Kesuna geginané sewai-wai mapules-pulesan tekéning mecik hp kanti med-medan. Tusing taén rungu tekén méméné. Lén pesan ajaka adiné I Bawang sane setata andel tur jemet nulungin méméné. Ajaka dadua suba bajang tur suba masuk SMA. Kéwala tileh buka kéto sada matungkalikan. Buka nyuhé aijeng, ada ané misi la nada ané puyung.
PALETAN 1
Mémé : Adeeeh.... Ngelah panak abesik sing ngitekang bebedag. Lakar dadi apa ya kayangné. Bilang Wai pragat meli kuota, kuota. Jeg kadenanga ngecor pipisé. Jeg kalahang adiné jemet. Apaan cara nyuh aijeng ada misi ada puyung.
Kesuna : Hihihi.... Haaaa... Hiiiii.... Haaaa.
Bawang : Mémé niki jangar ulam uyah sareng serené.
Mémé : Mih ba sagetan teka panak méméné. Gangsar ja pejalan ceningé?
Bawang : Ten Mé mara tiang ada ngatehang mai timpal tiangé I Gedé Mica.
Mémé : Nah aget ja kéto. Ning ngidih tulung nang orahin mboké apang nulungin Mémé nguleg basa anggon basan jairé! Uling tuni ngenemin HP.
Bawang : Mbok! Mbok Luh! Tulungin I Mémé ajebos nguleg basa.
Kesuna : Duh...! Nyai buin. Kema ja nyai nulungin! Nawang nu video call-an jak tunagané!?
Bawang : Yéh.. Mbok I Mémé anak ngorahin masak Mbok Luh nulak.
Kesuna : Aruuh... Magedi ja nyai ngulgul pesan.
Bawang : Ampura Mé Mbok Luh sing nyak.
Mémé : Jeg panak apa adané ento
Mémé : Woééé.... Nyai mula ras tuding kéné gén geginan nyainé! Orain kéné sing orain kéto sing nyak. Magedi nyai, magedi!
Kesuna : Nah Mé tiang magedi! Tiang sing lakar mulih-mulih! Ento I Bawang ento gén sayangang Mémé! Hé Bawang suudnyai ngalih-ngalih Mbok uli jani!
PALETAN 2
Kesuna : Guys aku live hari ini. Ngrasayang indahnya pemandangan sawah kala fajar menyingsing. Baang naké aku lopé lopé guys! Aaaaahhhh seribu viewers. Oowwwwh so sweet...! Coba lihat dadaku guys gede sing? Né paan putih sing?
Kalas : Ca... Ca.... Ca Isén tolih! Tolih tolih ada memedi!
Mica : Ada unduk memedi pesu jam moné?
Kalas : Men tolih naké bok lantang menambahkan buin misi gasgasin bok pede. Sing memedi kutunan ento.
Isén : Ajaan mula cai lekad mekedeng dija ada unduk memedi ngalih tongos di umané. Kéné suba sesuai mebalih film horor. Soroh mistis dogén otaké.
Mica : To dingeh Cai ento liunan getap. Palingan cai yén pules jumah majangkut.
Kalas : Eda kéto naké cai cang mula getap kéwala pengertian naké bedik. Getap getap kéné cang ada nak nemenin
Isen : Ooohhh... Tawang! Tawang! Panakné Pan Jagir ané bibihné cungih ento. Hahahaha....
Kalas : Baiih.... Aéng rasis-né polon ibané ba jeg cara melah gén numitis.
Mica : Nah! Nah! Suud amonto cai ajak dadua marebat. Jani ajak paakin anaké magambahan ento. Nyén nawang dedari tersesat nyen?
Kalas & Isén : Dedari! Dedari koné! Sikat! Sikat!
Mica, Malas, Isén : Daaaaaaaa.......!
Kesuna : Haaaaaaiiii....! Cicingé makamaran, cicing... Cicing... Cicingé magénjét...
Mica Kalas Isén : Suna....?!
Kesuna : Nguda cai ajak konyang ngesiabin aku? Tolih aku enu siaran langsung. Ajaaan mula cara cicing buang!
Mica Kalas Isén : Aaaaaaahhh...?! Cicing?!
Isén : Hééé... Nyai buta warna apa kénkén? Cicing... Cicing. Kai cicing nyai kere lua.
Mica : Dong ngudiang nyai dini luh jeg cara tusing ada gaginan lén. Tumbén icang nepukin nyak ka uma. Biasané nyai masekeb di kamar yén pesu palingan sebatas natah di karang nyai. Apa lakar alih bayi di uma?
Kesuna : Men cai ajak tetelu lakar ngudiang jani dini?
Mica Kalas Isén : Yaiiiih mabalik ia matakon?!
Kalas : Kabyaaahhh...! Anak Luh sing nawang bebedag! Tepuk né bubu, émbér. Jani ajak tetelu lakar ngalih susul ajak lindung anggon datang nasi.
Kesuna : Susul lindung ...?! Iiiih nu jaman madaaram kéto?! Ndeso...!
Mica Kalas Isén : Ndeso...?!
Kalas : Kabyaaaah.... Awak peturu jlema déso tunain ja ngomong kéto?!
Isén : Jeg mula lén besik panjak Bhatarané. Anak lénan ijuk ngalih pangupajiwa ia ijuk masosméd.
Mica : Patilesang ja awak nyainé Luh!
Kesuna : Cai metilesang raga mara beneh. Cang duegan tekén cai. Sok ngatur..!
Kalas : Nyén nyai mula dueg. Nang tebag mani hari apa?
Kesuna : Aduuuhhh... Minggu...! Minggu....!
Mica Kalas Isen : Haaaaaaa...! Minggu....?
Mica : Ya masuk SMA kala cara anak tusing taén masuk. Kéné modél murid SMA-né?
Isén : Saja yén murid seken modal ilmu. Yén ené modal ngangkang.
Kesuna : Ajaan cai kere muani ajak tetelu....!
Mica Kalas Isén : Mai kalahin! Nah buduh bakat rambang.
PALETAN 3
Mbok Kunyit : Bawang… Bawang. Antiang malu, Mbok!
Bawang : Mbok Kunyit? Kenali Mbok.
Mbok Kunyit : Mumpung mbok nduk adi dini. Ada jani lakar orahang Mbok.
Bawang : Nggih Mbok napi? Ados cara gawat asananga mbok?
Mbok Kunyit : Kéné adi, Mbok ragané ngaé video siaran langsung nganggo baju sekolah tur di video ento mbok ragané mamunyi jaruh ajaka ngédéngang paha tekén nyonyo. Video-né suba kasebar. Pak Janggitan waka kesiswaané nawang lantas mamedih kanti ajak mbok tekén timpal mbok. Pak Janggitan suba ngamaang sangsi lakar sing nganaikang I Kesuna mbok ragané.
Bawang : Béh yén unduké ento pasaja tiang tusing nawang apa unduk Mbok Luh Kesuna buka kéto.
Mbok Kunyit : Kénkén men Bawang. Mbok ragané sukil pesan orahin.
Bawang : Kénkén men Mbok Kunyit I Mémé kanti inguh ngorahin tiang masi patuh. Anak I Mbok orahin setata majempong bébék.
Pak Janggitan : Hé... Bawang! Lakar kénkén kitan mbok ragané. Ngaé lek adan sekolah. Tawanga sekolah paling favorit di jagat Bangsul. Jeg ngaé video siaran langsung misi mapeta jatuh ngédéngang nyonyo ajaka paa. Kadénanga alus betukané. Dadi murid sing malajah jeg awakné adepa. Yén ba bunting mara sigsigan.
Bawang : Ampura Bapak... Ampura Bapak titiang yukti ten uning Mbok tiangé kadi asapunika.
Pak Janggitan : Nah! Kéné dogén mani orahin Mémén Bawang ka sekolah.
PALETAN 4
Bawang : Mé! Mémé!
Mémé : Kénkén Bawang?
Bawang : Mé. Mbok Kesuna kena plungguhan.
Mémé : Adi bisa?
Bawang : Mbok Kesuna ngaé video soléh-soléh koné. Tur nyelékang adan sekolah.
Mémé : Saja to Bawang!?
Bawang : Nggih Mémé tiang kena plungguhan uli Bapaké.
Mémé : Kénkén tiang ngelah panak kakéné. Ratu Bathara, Bapa, Bapa adi kakéné pajalané. Ada panak abesik sing ada ngetisin. Pocol mituturin sawai-wai jeg setata tungkasina. Nah mani mémé lakar ka sekolah lakar ngorahang ané sepatutné. Dija jani I Kesuna?
Bawang : Asana tuni depuk di carik Mé.
Mémé : Mai ajaka alih jani!
Mémé : Hé, Nyai Kesuna jeg mula sing ngelah pengrasa. Nguda nyai kanti viral kakéto jogéd misi penganggo sekolah.
Kesuna : Men kénkén Mé ulian ngaé video tiang ngalih popularitas ajak ngalih pipis. Lumayan Mé apang tusing terus-terusan raga tiwas.
Mémé : Aéngan tekén bungut subatah bibih nyainé. Ba dueg san nyai kapining Mémé. Yén nyai mula dueg nguda nyai tekain plungguhan? Nawang tusing, ulian nyai adan Méméné jelék. Ulian nyai masi adan sekolah nyainé jelék. Ngerti sing? Nyai suba pasti lakar maukum. Kel ngéngken nyai?
Kesuna : Nah tiang ngidih pelih, Mé.
Mémé : Yén nyai ngomong kéto aluh. Kéwala solah nyainé tusing karuan lakar marobah. Nyai harus bani bertanggungjawab, mani Mémé lakar sekolah nyai harus bareng kema. Sing ada buin alasan kéné kéto.
Bawang : Mbok Luh mani Bawang masi lakar marengin Mbok.
PALETAN 5
Mémé : Om Swastiastu!
Pak Janggitan : Om Swastiastu! Ngiring ngranjing, Mé!
Mémé : Ampura Bapak, punapiang puniki pianak tiangé?
Pak Janggitan : Kéné Mé, pianak Méméné ané madan Kesuna ngaé vidéo soléh-soléh misi ngaba identitas sekolah. Jelék adan sekolah ulian I Kesuna.
Mémé : Méh kénkénang jani pinanak tiangé, Pak?
Pak Janggitan : Niki Mé becikné, HP pianak méméné tiang sita. Ento suba ringan, Mé.
Mémé : Kénten nggih, Pak.
Pak Janggitan : Nggih. Nika suba pantes. Apang ngajahin ané madan disiplin muridé. Jani anak kéweh mendisiplinkan murid. Yén pidan jaman tiang ajak Mémé masekolah timpuga aji pengapus, tigtiga aji kayu rotan suba biasa. Bandingang ajak jani lakar mukul kalingan ngimpek dogén suba tusing dadi. Yén ada guru bani kéto suba masuk penjara. Aéngan tekén hakim muridé jani, Mé.
Mémé : Nggih punapi men Pak tiang terima manten.
Pak Janggitan : Hé Kesuna, mai serahang HP nyainé!
Kesuna : Niki pak.
Pak Janggitan : Nyai mula bangkeng ajaaan.
Kesuna : Aruhhh… kénkénang ja jani hp tiange sitane, sing ngidaang live, sing ngidaang vidio call… aduh…
Mémé : NING!! Kenapa cai ngeling, Ning??? Ning… NING…
Kesuna : Hhhhhh… HP tiangé… HP tiangé… Mai aba…
Mémé : Kesuna ka ija nyai… KESUNA… Bawang Bawang!
Bawang : Ngih mémé, ada apa.
Mémé : Mbok nyainé… malaib kema...
Bawang : Mai uber, mémé!
Mémé : Nah depang suba njep gén mulih iban-ibana.
Bawang : Auk, mé! Iyang lakar ngalih mbok.
Mémé : Bawangg, ka ijaa nyai, ninggg
Antiang mémé, ning...
PALETAN 6
Bawang : Mbok, Mbok Luh ka ijaa to, Mbokkk
Kesuna : Puyung rasané idupku nok. Handphone masita. Duh males males.
Bawang : Mbok kénkén ento, ka ijaa, Mbokkk, antos iyang, Mbok
Kesuna : Bawang! Tawang jani Mbok enu sebet. Lakar ngudiang nyai nuutin Canggg!!!!! Megedi nyaiii, da ngugul cang...
Bawang :Ten ja kéto, Mbok. Nyén nawang tiang ngidaang nulungin.
Kesuna : Mmmm... Yén seken nyai lakar nyak nulungin. Nyai kan ngelah HP. Baang naké icang nyilih.
Bawang : Tusing ja kéto, Mbok. Wiréh tiang masi ngerti tekén I Mémé suba kéwéh-kéwéh magaé. Apang ngidaang ngabagiang tiang.
Kesuna : Ohhh... I Mémé tusing ngamaang cang nyilih?! Jeg makelo Nyai makeneh. Silih jebos!
Bawang : Aduh… Mbok Luh HP iyangé, Mbokkk
Kesuna : Hahaahhaaaaa..... Akhirné HP cangé suba bakat haahihahhai....Cang kel mukak IG... IG…IG…Hhh login… login HAHH…AKUN TIANGÉ KABANNED hhhhhhhhhhh, éngkén jani néé. Akun tiangééé… Aduhhhhhh ADÉNAN TIANG MATI, MATI MATI… Aduhh
Bawang : Mbok… Mbok Luh ija to Mbok... MBOK LUH!!!!
Mémé : Bawangggg, Kesunaa, ija tooo…
Bawang : Mai Mééé… Mbok Luhhh...
Mémé : KESUNAAAAAA… Adi kakéné pajalan karman ceningé...
Kingkara : MATI..MATI..MATI...)
Kéné suba upah anak ané durhaka tekéning rerama...
PUPUT
No comments