Puisi I Kadék Krishna Dwimartopaz Kory; Suryan Sang Hyang Parama Kawi

Sumber Gagambaran; id.pinterest.com

Suryan Sang Hyang Parama Kawi

Cuit cuit krik krik kek kek ...

Suit suit kik kik kyah kyah...

Suaran manuk ngresep ring hati

Ngentenin manah jagi metangi

Syah.. Syuh.. Ssttttttt.. 

Nyah.. Nyuh.. Piyah.. Piyuh..

Suaran Ida ritatkala jagi mesunar

Sang Hyang Parama Kawi, Ida sane nitahang

Sane ngaryanin, sane ngeleburin

Rikalaning suryan ida sampun mesunar

Macihna semeng sampun tajeg

Suryannyane nyusup ring sahananing sarira

Sami jagat keni surya

Surya muncak nyujur langit

Jagat panes ngenenin gumi

Nyiksik kulit krane panes tan madewa ratu

Syah.. Syuh.. Ssttttttt.. 

Nyah.. Nyuh.. Piyah.. Piyuh.. Uhhhh..

Pemargin suryan Ida nyansan keleb

Macihna wengi sampun rauh

Warnan Tridatu katolih ring langit

Suryan Ida keleb ngawinang jagat nenten mesunar

Wengi rauh pacang nincapang kasujatianyane

Cahyan Ida kagentos olih Sang Hyang Candra

Sane mesunar suci lan kasinggih hening

Punika kesaktian Sang Hyang Parama Kawi

Swastyastu, atur pangebaktin titiang

Dreda suci heneng heninging budi

Lungguh linggih Sang Hyang Parama Kawi

                                                                                                                                               Abang Kaler, 8 April 2020

I Kadék Krishna Dwimartopaz Kory
sisia SMAN Bali Mandara