Sekar Jepun

Murdan Cakepan : Sekar Jepun

Pangawi : I Ketut Rida, dkk.

Kawedar Olih : Balai Bahasa Dénpasar

Warsa : 2001

Tebel : v + 50

“Sekar Jepun” wantah pupulan satua cutet (cerpén) mabasa Bali saking Pemenang Sayembara 2000 sané kalaksanayang olih Balai Bahasa Dénpasar. Cakepané puniki madaging limang cerpén saking limang pangawi sané dados pemenang saking Juara I kantos Juara Harapan II. Satua cutet sané wénten ring cakepané puniki inggih punika “Sekar Jepun” kakawian I Ketut Rida sané ngamolihang Juara I tur kaanggén murdan cakepané puniki, “Guru Kondra” kakawian Madé Merta sané polih Juara II, “Tamiu” olih Komang Berata polih juara III, “Kerikan Gangsa” olih IBW Widiasa Kenitén polih Juara Harapan I, lan “Buah Karma” olih Gedé Seen, S.Pd. polih juara Harapan II.

Niki wantah punggelan maka lelima satua cutet punika.

Tan prarapan Wayan Gupuh nyeleg di korinè. Ia mara teka uli luas. Kagiat ia ngatonang pianaknè gelut anak muani truna tur kurenannè ngembeng-ngembeng yéh paningalannè. Mén Jepun séngeh teken kurenannè kaslengangan, laut ia ngraos......

(Sekar Jepun, I Ketut Rida—kaca kaping 8-9)

Pidabdab ipun dados kakedékan krama banjar. Akéh pisagan ipun ngawedarang Guru Kondra guru lengeh, buduh, makarya sanè boya-boya. Sakéwanten ipun meneng tan pasahut, itep ngitungang ‘proyék’ nyanè.....

(Guru Kondra, Madé Merta—kaca kaping 11)

Kaki Madè Nasuti ibi sanja ngalahin ttk Asapunika daging télégram sanè panggihna antuk cucun Kaki Arisè ring samping sirah Kaki Arisè. Saking Jembrana télégramè punika, saking cucun Kaki Nasutinè pinih kelih.....

(Tamiu, Komang Berata – kaca kaping 27)

Ida Bagus Gedè kairing ka Sanglah. Kadaftarang. Kanikain mangda ngecék darah. Bapak petugas ring laboratorium gelis nuréksa. Pamuputnè raris kabakta ka pak dokter. Pak dokter kadi kaplegan....

(Kerikan Gangsa, IBW Widiasa Kenitén—kaca kaping 40)

“Luh yén pét buin mani, buin poan, buin telun, utawi buin pidan ja Bapak keadilin di Pengadilan kapisunaang, baan usak alasè orahanga Bapak KKN muah laksana jelék anè lénan, yén kéto kénkén Luh nampénin.”

“Dados bapak ngeraos asapunika?”

“.......

(Buah Karma, Gedé Seen, S.Pd.—kaca kaping 49)

Yéning dot ngawacén satua sajangkepnyané, rarisang wacén ring cakepan sané mamurda “Sekar Jepun.”