Puisi-puisi Komang Putri; Geginan
 |
| Sumber Gagambaran; id.pinterest.com |
Alih
Iluh,
apa kaalih?
Mejalan
luas mabekel sundih
Lemah
peteng sing nawang mulih
Kanti
pianak suba pada kelih
Iluh,
apa kaalih?
Gegéson
nguberin ané madan sugih
Nyama
gelah tuara bakat tolih
Melaib
labuh kanti angkih-angkih
Iluh,
apa kaalih?
Mai
mulih.
28
Oktober 2019
Geginan
Baat
Sing
kesambat
Inguh
keneh di muané masurat
Nuléngék
nlektekang bapak pejabat
Ané
sibuk ngitungang menék pangkat
Sing
nolih né betén marebat
Nyelémpoh
maguyang suba dadi adat
Peluhé
sekadi suba enyat
Ulian
kenyelé kaliwat
Kéwala
batisé nu kuat
Peningalan
nu ngidaang kedat
Limané
nu ngelépat
Yadiastun
alih-alihan ngancan kenyat
Ané
penting endih-endihan apiné di paon sing kapegat
8
Novémber 2019
olih sawitrannyané kakaukin Komang Putri embas ring Singaraja, 1 Juli 1996. Meneng ring Jalan Ki Barak Panji No 8. Mangkin kantun kuliah ring Jurusan Ilmu Perpustakaan semester 5.
No comments