Puisi-Puisi Ni Wayan Apriani; Buah Basang
 |
| Sumber gagambaran; pixabay.com |
Buah
Basang
Sia
bulan mangantosang
Buah
tresnané sayang
Tuun
ka guminé manadi wang
Legané
tan sinipi
Kala
raréné embas tengahing wengi
Nyerit...
Macengér...
Waluya
ngatagin reramanipuné
“Bapa,
tiang suba teka mai”
Nyagjag
reramané gegésonan
Raréné
ané kaaptiang
Pinaka
buah basang
Mogi
sida manados wang
Sadhu
budi sakayang-kayang.
Ngempu
Kangin
kauh kaja kelod
Nutug
pajalan rarené opog
Karag-kirig
sléag-sléog
Kuala
lacur pangempune royod
Glebag-glebug
raréné majalan
Makejang
tuara dadi halangan
Dratdat-drutdut
menék tuun
Ngawinang
pangempuné pengeng uyun-uyun
Maglebug
raréné ulung
Macengér
ngeling gelur-gelur
Pangempuné
éncol nyagjagin
Raréné
kasangkol raris kausapin
Gendang-gending....
Saget
raréné sirep aris
Pangempuné
geris-geris.
Pemilu
Semengé
kalintang dingin
Angin
ngasirsir banban
Sayaga
mendak Sang Hyang Surya
Sané
jagi nyaksiang
Karya
agung pemilihan umum
Pasliwer
kramané ring margi
Makamen
mabusana adat Bali
Pakedék
pakenyung sami
Ngamiletin
pésta démokrasi
Sapasira
sané dados jayanti?
Sampunanang
lali ring janji!
Satya
kukuh ring ibu pertiwi
Mangda
jagate ajeg lestari.
Mapi
Ririh
Kipak-kipek
tolah tolih
Magaé
bedik nagih lebih
Sabilang
takonin mabet ririh
Sing
marasa tekén déwék pelih
Mirib
apang énggal sugih
Diastun
suba maan gajih
Acepok
tusing taén jerih
Demen
ningalin pisaga sedih
Keneh
loba tuara bani ngidih
Apang
ada aba mulih
Makejang
aluh élah alih
Batis
gejir-gejir lima ilih-ilih
Sambil
ngisi roko akatih
Diastun
déwéké kalintang ririh
Matiné
tuah mabekel kasa putih
Ih....!
Wayang
Rahina tatas
kamantyan umuning mŗdangga kala śangkha ghūrņitatara
Gumuruh ikang
gubar bala samūha mangkat anguhuh padāsru rumuhun...
Tak... tak...
tak...
Cepalané
makletak ngentak-ngentak
Nanjekang
wayang apang tusing usak
Sawiréh
sekané liu nginem tuak
Ngélog
kayonané ngigel
Nuutang
tanjek nganutin angsel
Ki
Dalang ngatémél ngemang tutur
Kuala
lacur tuturé suba luntur
I
Pianak sawai-wai masaut jantur
Dengang
rengas misi gelur-gelur
Wayang
pinaka bayang
Bayang
satmaka lawat
Yén
anaké mabalih wayang
Tulya
ipun nolih lawat
Lawat
sirané ké nika?
Dosén ring Program Studi Pendidikan Bahasa Bali, STKIP Agama Hindu Amlapura.
No comments