Bongkling (XI-XV)

Sumber Gagambaran 

Kaketus saking manuskrip duwén

Ida I Déwa Gdé Catra Karangasem

  

/11/

Parandha kenying narthyang,

kéné katatwanya cahi,

pan sittha kramané ento,

yén dadi jalema buin,

meka pinaka mata,

waja pinakanggon gigi,

mangdé hayu,

yén pepek ya parikrama.

/12/

Pan Bongkling matura,

huning tityang kapo mangkin,

nanghing kangkat tityang gawok,

tityang nahen mamanggihin,

anak mananem sampi,

tan wénten madaging legu,

sakwéhing panggih tityang,

tan wénten angan asiki,

wénten lamur,

banténgé né bahu lekad.

/13/

Punika anak padandha,

dwaning singaké nganéhin,

manawi mekané kawon,

anggén anaké nagingin,

dwaning chedang asiki,

dados ngawé salah angkuh,

pamulu kahkah dungkah,

nawi sikapa makulit,

anggén ipun,

nagingin layon punika.

/14/

Parandha njengis kabangan,

mireng haturé Pan Bongkling,

okané kanggon gaguyon,

makiret ngetor manuding,

cacingaké macrengi,

kadi kebo hédan ngipuh,

ngadeg ngandhika makrak,

mené ya jalema cicing,

bas kadurus,

bani ba mesuwang peta.

/15/

Twara majangka-jangka,

kaliwat nyakitin koping,

tuwi iba janma basong,

mati iba gepluk kahi,

tahanang jani dini,

prandha manjemak helu,

Pan Bongkling mangadahap,

akwéh rantaban nyagjagin,

dadi humung,

ada manggelut parandha.

(........pacang kalanturang)