Puisi Majeng ring Kartini Bali

Rahajeng nyanggra Hari Kartini, 21 April 2017.

Sumber Potrekan

Ring Hari Kartini puniki, akéh pisan wénten “ucapan” ring média sosial. Wenten sane makarya status “Selamat Hari Kartini”, wénten sané ngaplud potrékan nganggén kebaya, wénten sané ngaplud potrékan istrinnyané, utawi mémé, utawi wénten anak lanang sané ngaplud potrékan gagélané, lan wénten taler sané makarya status marupa puisi.

Niki wantah silih sinunggil “ucapan” Hari Kartini marupa puisi mabasa Bali sané kasurat antuk I Nyoman Agus Sudipta mamurda “Kartini Saking Bali”.

Kartini Saking Bali

Olih: Nyoman Agus Sudipta

Émansipasi....

Adat-tradisi....

Hak asasi...

Kesetaraan génder anak istri

Pikukuhin setata lan tekek gisi

Yadiastun ngantos mabéla pati

Puniki tatujon sané sujati

Cihna semangat Kartini

Mangda anak istri madué arti

Sakadi kawéntenan tanah pertiwi

Tan leteh setata suci

Kartini saking Bali kadi pralambang Yoni...

Madé Suar-Timuhun taler ngunggahang puisi ring silih sinunggil koméntar facebook dané sané katiba majeng ring istri-istriné sami. Niki wantah puisi dané.

Suasti "Hari Kartini" istri-istriné makejang

Suud peteng, endag ja galang apadang

Galangé ento eda kanti baanga ilang

Galangang ja déwéké saenu bajang

Kaweruhané palalajahin sekenang

Dadi luh apang cara i kembang

Da kanti kaisep ya i kumbang

Apang tusing layu mayang

Tutur reramané ingetang

Ibu Kartini ya tuutang

Émansipasi i biang

To ané arepang

Idupé girang

Ngaé liang

Sakayang

Kayang

            Wajan Tojan, pangawi saking Karangasem taler makarya koméntar puitis indik Hari Kartini ring facebook duwén Madé Suar-Timuhun. Niki wantah koméntarnyané Wayan Tojan.

terang galang

ngaluntang