Tan Wénten Cihna Yasa

Olih: Agung Wiyat S. Ardhi

:Katur ring Iratu, Ibu

"Ibu dan Anak" Gagambaran Basuki Abdullah

Ibu, iratu nyambehang wija kinasih ring jenyanan tityangé

Ngungkab peteng dedeté,

Ngukir arsa

Nyinarang widya

Muponin hita, nglambung ngambara

Nglimbakang shanti

Ibu, iratu ngendihang suar galang

Téjannyané tumus rauh ring bucu-bucu  samar

Sané tan pantara nglikadin

Iratu sampun ngalgal lisiké nyibak segara

Rauh ring Nusa Apti

Tan enti

Tan lesu

Tindakané tan rarianan.

Yéning iratu lina, ibu

Puspa puspita kasturi cendana arum Kasekarurayang mayasin layoné Makukus dupa sarining acintya

Tangis kinasih nembangang kidung duhkita Ngampakang  dwara swargané kapendak apsari Dulur semar pagulingan

Ibu, iratu déwan tityang

Saking garba nyambehang amerta ring tityang, Dénpasar.

Bhadrika Ashrama

25 Juli 2013

NB: Puisi puniki kaambil saking cakepan “Dénpasar lan Don Pasar” kaca kaping 9