Dadi Luh
Olih:
Djelantik Santha
 |
| "A Balinese Nude" Gagambaran Affandi |
Luh, nguda ditu matimpuh
Melah dini negak di lebuh
Masegehan eda pati kacuh
Apang guminé sayan landuh.
Luh, nguda ditu ngempi
Melahan dini ngubuh sampi
Ada anggon beli matani
Matekap, mlasah ngolah gumi
Luh, nguda ditu maparum
Melah dini bareng mapunpun
Majahitan utawi nenun
Gegaéan para isitri masantun
Luh, nguda dadi pabalih
Nyemak gaé eda mapilih
Laksanayang tan pamerih
Pastika dadi luh luih
Luh, nguda ditu mengkeb
Ngajak gegélan saling kekeb
Yén ngulurin hawa nafsu
Salah matingkah dadi luu.
.jpeg)
No comments