I Gdé Agus Darma Putra,

I Gdé Agus Darma Putra embas ring Selat Tengah, Bangli, Bali, 2 Agustus 1991. Ipun muputang kuliah S1 miwah S2 ring Institut Hindu Dharma Negeri Dénpasar. Naanin makarya dados guru, lan mangkin dados dosén.

Ipun aktif ring Yayasan IBM Dharma Palguna, yayasan sané ngalaksanayang upaya pemeliharaan, penerjemahan, miwah penelitian sastra Jawa Kuna, Bali, miwah Lombok. Taler aktif dados pangremba Bangli Sastra Komala sané nyobyahang indik sastra Bali modérn. Naanin dados narawakia ring makudang-kudang acara sastra modérn wiadin klasik.

Kakawiannyané marupa puisi, ésai, prosa liris miwah artikel kawedar ring makudang-kudang média, minakadi Bali Post, Pos Bali, tatkala.co, Bale Bengong, Wartam, Media Bali, miwah sane lianan. Cakepannyané sané sampun embas mamurda Bulan Sisi Kauh (2017) ngamolihang Hadiah Sastera Rancagé 2018.