Puisi-puisi Putu Oka Sukanta; Pangaptin Tiangé

Sumber Gagambaran; id.pinterest.com

Pangaptin Tiangé

tiang mapengapti

nyidaang ningehang anak ngetok jelanan

ané setata unebang tiang

yadiapin tusing makunci

tiang mapengapti

ningalin lawat

ngenah ilang di kaca jendélané, nanging

tuah kuwusan angin

nimpalin ujan misbisé ané dingin

tiang mapengapti

ningehang anak ngetok jelanan,

yén tusing, lawatné dogén kanggo

di kaca jendélané

apang tiang nyidaang nuturang

rasa bagiané, kangen ragané*

Rmangun,17.05.20

Timpal

Liu ané teka majlawatan

Teka laut ngilang, magilihan

Énggal-énggal ngepungin déwékné pedidi

Dingeh ada ané ngaukin uli di sisi

“ragané seger?”

“seger, tiang mara bangun

uli rasa tresnané ené”

Rikala tiang mukak jelanan

Ia malaib tur macelep

Galang semengané ngelut awaké*

Rmangun,07/05/20

Catetan: Puisi puniki kabasabaliang olih I Putu Supartika