Puisi-puisi I Ketut Gunawan; Prajurit

Gagambaran Manik Sudra


Prajurit

Wiranegara matekes mérah putih
Ngetohin negara mélanin raga
Ajerih tan karasa ring angga
Nuncak nengkik nebek meseh
Masuryak-suryak ngabar-abar
Sutindih sayuwakti mabéla pertiwi
Siat prajurit
Siat tengahing tepet
Siat tengahing dedet
Siat tan pegat
Siat tan pragat 
Siat tan patut lan patut



Sumpah Pemuda

Parama béla dwipa indonésia
Ngadeg nguncarang samaya
Ngandel pramana teguh kapiraja
Resres tan karasa ring tatwadana
Tat kala yowana ngripta
SUMPAH PEMUDA

Jering sawatek bulu kalong
Sada kala kabacak bantang sumpah pemuda

28 Oktober 1928
SUMPAH PEMUDA
Nyikiang tanah air tanah air indonésia
Nyikiang wangsa wangsa indonésia
Nyikiang basa basa indonésia
Astiti jangkep sregep tegep
Ngulati patitis suasti trepti santi
Ngardi moksartham jagadhita ya ca iti dharma.



Ketut Gunawan
embas tanggal 7 Agustus 1999, kantun masekolah ring SMKN 1 Abang-Karangasem.

No comments