Puisi-puisi Ni Madé Gawati; Sang Kesatria

Sumber gagambaran: iki-saiin.blogspot.com

Mabéla Pati

Ring tungtungin ati
Metu niyasa ngulati
Tan lian mapengapti
Dumilah mangrastiti
Kagaok amelas ati
Mapuara sang sadhu kerthi
Bhakti tiaga mabéla pati
Nyungjungang jnyana kanti
Ngamolihang pratiti
Pitulasing wolu
siu sangaatus setiman dresti
Amerih ayadnya ngetohang bhakti
Nyujur jagaté santi
Rahayu puspa dresti
Rahayu sembah puspati
Rahayu jagat kerti



Sang Kesatria

Pitulasing ngutus
Siu sanga
ngatus setiman
Makanten ring buana
Lebur ring akasa
Lebur ring pertiwi
Lebur ring apah
Lebur ring téja
Agni angabar abar
Bedil cundri lan jemparing
Rah membah ngebekin pertiwi
Anganyud kancah ngancabin
Patempur i welanda
Lambéné nyunyur manis
Sayaga mabéla pati
Serang....serang...serang
Kaangkabin tiing petung
Majéjér pageliling ngeto
hang urip
Panegarané benyah latig
Lebur tanpa wates
Ngunngunin tangis tan sipi
Uduh hyang maha tiling
Jaya digjayaning indonésia
Mahardika........
Mahardika......
Mahardika......
Sang Hyang Pusaka

Sanghyang bayu angasih asih
Hyang téja makeliah galang nyalang
I
sayong ancog ancog
I wukir katon rawit
Sinambi ngagaokin
Barak maketirah
Mawastu tan ajerih
Putih pakayun suci nirmala
Matungtung dreda bhakti
Jiwatman wangsa lan panegara
Ngiring kibarang
Ngiring sungkemin
Taksu jagat indonésia
Linggiang ring ulun angen
Pangraksa jiwa premana.



Ni Madé Gawati
embas pinanggal 19 Séptémber 1966 lan mangkin dados guru ring SMAN 2 Amlapura. Magenah ring Amlapura.

No comments