Puisi-Puisi I Wayan Tojan

Sumber Gagambaran

Ulian Tutur

Olih: I Wayan Tojan

Tutur buin tuturang

Ané bedik dadi liu

ané besik dadi dua

Ané bawak dadi lantang

Pelih bisa dadi beneh

jani liu dueg nutur

ulian tutur bisa sugih

ulian tutur bisa lacur

ulian tutur liu ngelah timpal

ulian tutur bisa ngelah musuh.

Budang Bading

Olih: I Wayan Tojan

jamané suba mabading.

solahé bareng nyungkling.

saru beneh kén tusing.

saling tuding.

kénéh masi uyang paling.

lampah idupé uyak gering

bibihé kedék kénéhné ngeling

bé bébék bé guling

ya kedék ya ngeling

Cara Jani

Olih: I Wayan Tojan

Cara jani

sing perlu géngsi

Nyak petani

Nyak pagawé negeri

Apa buin dadi kuli

Né penting rejeki

Pang payu naar nasi

Ajak ngopi

Sambilang kasa kisi

Asal da korupsi.