Warsa Anyar

Olih: IW Wikana-Seraya

 

Sumber Gagambaran

Roras sasih pamarginé lintang,

mawali nuju Désémber kasambatang,

tigang dasa besik pinaka panguntat,

anggén jalaran nuju dinané anyar.

Wenginé nuju galah roras,

kembang apiné ngrébék masautan,

sarasa ngentosin Sang Hyang Surya,

ngentos wenginé serasa galang.

Liang bagia rasa i krama,

Nyantos magentos warsané anyar,

satmaka nemu urip sané anyar,

sida mapikolih napi kaaptiang.

Sebet duka sampun kalintang,

pangarsa warsanē gemuh lipah,

jagat landuh kerta raharja,

krama liang bagia karasa.