Mémé

Olih: Agus Sudipta

 

"Nenek 1" Gagambaran Dullah

Tongos tiang ngeling tatkala manying

Tongos tiang ngidih rasa tresna asih

Tongos tiang masadu tatkala bendu

Tongos tiang ngambul ulian jendul

Kangen seken kangen

Sedih...tiang sedih

Takut...tiang takut

Engsek...tiang engsek

Yéning tongos tiang totonan ilang

Dija tiang buin ngalih lan makatang

Tongos ané tulus tan pegatang

Tongos maduman rasa tresna lan sayang

Tongos tiang ngorahang makejang

Mémé...abin tiang lan gelut tekekang