Mengkeb

Olih: Nengah Jati

 

Sumber Potrekan

kenyemné mengkeb

kaengkebang ban pecukan lambéné

wimbané tusing enu madon intaran

kadi anaké lingsir nguntul

rikala majalan tunduné léngkong

ulian lebihan ngaba pabaat

nanging

joh ditu durin bukit

anginé ngasirsir buka manyuling

suaran sulingé banban

kadi tatembangan pupuh semarandana

atiné kausud olih angin semara

makebiah galang

kadi katiga nampi kapat

macahya galangnyané i bulan

manyunarin peteng