Dadong

Olih: IGG Djelantik Santha

Sumber Gagambaran

Gulemé tipis

Ujané tuun ngeribis

Idadong teka ngaba pipis

Tumbén kenyem bangkis-bangkis

Meriki Dadong

Cening ayu nu mlajah ngagéndong

Luas semeng teka peteng

Ngalih gaé apang sing bengong

I Dadong makenyem lesu

Menék di salu negak di bucu

Niki sekar kaanggén ning ratu

Niki jinah anggén i cening ayu

Padalem ipun malapu-lapu

Manah jumah tindakané gepu

Dumogi dohing satru nemu rahayu

Dadong, yasaning dadi pangempu

Di ceniké abin ajum pepasihin

Patiptip bubuh lan jaja sagi

Sirepang aji satua cangkriman

Jani kelih nawang beneh pelih

I raga amung tutwuri andayani

Saha doa lan pangapti

Dumogi sida rahayu né kapanggih.