Lobâ
Olih: Mas Nitisastro
Né maloe adâ anak
agoeng daat lobâ, peteng lemah tan mari Idâ ngastawâ Sang Hyang Widhi (sic),
apang mangdéné didjagaté toesing adâ memadén boeat kesoegihan Idané. Boeinâ
toesing pesan Idâ kajoen medanâ artâ tekén pandjaké kesengsaran.
Noedjoe peteng Idâ mereraosan sareng rabinné, kéné pengandikanné: “Latjoer
pesan déwéké idoep dadi manoesâ toeah akedjep. Jén dadi baan beli noenasang
tekén Idâ Sang Hyang Peramakawi, apang beli njidajang metoewoeh 100 tiban.
Ditoe pedas beli moendohang njidajang kesoegihan goeminé né. Jén soebâ kegelah
baan beli, rasâ oemahé né bakal telepok beli ban mas mekedjang, pang toesing
adâ memaden boeat keroenanné didjagaté téténan.”
Soewoed Idâ ngandikâ kéto, sagét Idâ mireng soeara tan peroepâ kéné: “Boeat
pinoenas tjainé mekedjang bakal kelinggihang. Mani semengan asing djemak tjaiko
mekedjang dadi mas. Mara Idâ mireng soearâ kéto, seneng pisan pekajoenan Idané,
lakar kelinggihang sepekajoen Idâ.
Ketjeritâ boein
mani semenganné, dimaran Idané metangi oeli pemereman, lantas Idâ ngoengkabang
kelamboe, seget kelamboené dadi mas. Anaké agoeng kasob pekajoenanné njingakin
kelamboené soebâ mesalin dadi mas. Ditoe lantas Idâ medal ngampakang lawangan,
bakal mesiram ketaman. Ento masih mesalin dadi mas. Asing ambil Ida, loeiré;
lawangan, andoek, jéh moeah ané lén-lénan, mekedjang dadi mas. Jadiapin Idâ
anaké agoeng tan polih mesiram, kajoen Idâ masih senang kéwanten, kebatek
antoek kelangen pekajoenné.
Ketjerita djani
dingeradjoenang Idâ anaké agoeng, seananing ané ambil Idâ, loeiré: adjengan,
oelam, djangan, tojâ, mekedjang dadi mas. Ditoe anaké agoeng marâ oening tekén
kesangsaran anak lobâ, koedoe-koedoe boengah tan peoendoek, sarwi ngandikâ
tekén rabinné: “Adi, kénkén beli toearâ bisâ medaar, toesing njidajang beli
naanang sedoek basang. Jén kéné dogén oendoek beliné, soekajan soeba tera
ngelah mas, padaan tekén déwék beliné lakar kesengsaran.”
Saking pitoedoeh
Widi, soewoed Idâ ngandika kéto, lantas masé itoeni mekedjang ilang, boein
melipetan boekâ djati moelâ.
NB: Satoeâ tjoetet poeniki keambil
saking tjakepan “Tonggak Baru Sastra Bali Modern” kekawian I Nyoman Darmâ Putra
katjâ kaping 53.
No comments