Sesawangan Semawang

Olih: Madé Sugianto

"Ikan-ikan" Gagambaran Widajat

           
Béné dini di Semawang

Kapencar
Makejang kapejang

Di telagané anyar 

Yéhné tis 

Kija-kija paketistis

Béné sing buin berag 

Sisikné sing buin engkag 

Béné nglangi binar 

Sisikné masunar 

Anaké ané mancing kuciwa 

Yadiastun banehé jaen kabinawa 

Saru saruanga tekén béné 

Ané sayan moleh awakné 

I Pedanda Baka

Gedeg ia

Makelo mamantra di sisin telagané

Sing runguanga tekén béné

I Pedanda Baka makeber ka ambara

Kenehné panes bara