Puisi I Madé Suarsa: Fébrie Adriansah lan Fébri Diansyah

Pinterest.com

nyén sujatiné dané ngelah

jinah

macundang triliunan rupiah

mas wayah

makudang kilo bungkah

mapunduh matumpuk jumah

kanti maliah

benya mula juari pongah

laguté ngelah selah

guminé sedeng sayah

ékonomi payah

rakyat kalayah-layah

idup susah

benya malah glayah-glayah

maseka bodag amah

nyèn sujatinè danè ampah

tusing nawàng tegeh lebah

tusing rungu ajah-ajah

tuara inget kajeng pasah

mangunin basang jengah

ngranayang tangkah belah

ngaé keneh kajengah-jengah

nyén sujatiné ngelah ulah

bani-bani élah-élah

nyungsang awig-awig abah-abah

udegé telah kamamah

padidi anggona gelah

ngaé sebun kedis sangsiah

pragat saling bantah

nyèn sujatinè danè cèkah

tuma di saputè melah

kuwuk mabulu siap srawah

fébrie ardiansah

benya semut di tanah

da kalah nglawan gajah

fébri diansyah

benya wiprah bhradah

leak calonarang pucah

benya madasi baju makrah 

eda makerah

orahang nyèn beneh nyèn salah

apa benya milu maseka punyah

ingsun munah korupsi kanti alah-akah

ngepung kanti antartika kah

sing omon-omon tuah engkah

030826