Puisi-puisi I Nyoman Tusthi Éddy; Rumah Sakit
 |
| Sumber Gagambaran; https://id.pinterest.com |
Somah
I
Luh muani dadi aumah
silih asih medum manah
Duka dum aji dama
suka paro aji semita
II
Gawé dum aji lampah
baat iing saling tulung
Di pasaréan medum sepah
di pambiaran kedék kenyung
I
Luh muani dadi aumah
silih asih medum manah
Duka dum aji dama
suka paro aji semita
II
Gawé dum aji lampah
baat iing saling tulung
Di pasaréan medum sepah
di pambiaran kedék kenyung
Pipis
Pipisé mawak angin aris
seriang-seriung ngawé tis
Pipisé mawak sarwa baya
pelih ngaba i raga tabunga
Pipisé mawak angin aris
seriang-seriung ngawé tis
Pipisé mawak sarwa baya
pelih ngaba i raga tabunga
Hotél
Tanggun pajalan ngalila cita
tanggun kita ngalila semara
Tanggun palaib ngengkebang dudu
kéné kéto ngulah saru
Tanggun pajalan ngalila cita
tanggun kita ngalila semara
Tanggun palaib ngengkebang dudu
kéné kéto ngulah saru
Koruptor
Pangelahané sarwa matengenan OR
pipis ngecOR liu ngelah motOR
Solahé ngogOR raosé nékOR
yén ketara kayang kumisé ngetOR
Pangelahané sarwa matengenan OR
pipis ngecOR liu ngelah motOR
Solahé ngogOR raosé nékOR
yén ketara kayang kumisé ngetOR
Jam
Sabilang adetik idupé kabancut
sing sida makelid sing sida nyingid
Jamé masih nadtadang abah patut
gelang di lima ngawé pangid
Rumah Sakit
Dini bongkol amerta tanggun wisia
natak paica Sang Aswin Déwa
Katiwak amerta lanus lega
katiwak mertyu dadi antaka
Dini bongkol amerta tanggun wisia
natak paica Sang Aswin Déwa
Katiwak amerta lanus lega
katiwak mertyu dadi antaka
Nyoman Tusthi Éddyembas ring Dusun Pidpid, Abang, Karangasem, Bali, 12 Désémber 1945. Polih piagam memajukan sastra Bali anyar saking Sabha Sastra Bali warsa 1999, hadiah sastra Rancagé warsa 2004 antuk jasa, lan warsa 2009 malih ngamolihang hadiah sastra Rancagé antuk pupulan puisi Bali modérennyané sané mamurda “Somah (2008).” Dané ngalahin Sukra, 17 Januari 2020.
No comments