Penglipuran

Olih: I.G.A. Uma Déwi

Sumber Potrekan

Ri kala masan liburan,

Jalan malali ka Penglipuran

Genah malilacita ngalih hiburan

Ulian kenehé benyut lebihan itungan

Malancaran ngungsi genah melah,

Kahanan genahé tis tur dayuh

Ngicalang bayuné inguh

Mawinan uripé marasa landuh

Ka Penglipuran malali ngibur

Manah sebet sida kalipur

Rasa sungsut pacang kalebur

Mangda kenehé ilang sebeté luntur

NB: Puisi kakawian I.G.A. Uma Déwi sané mamurda “Penglipuran” puniki naanin kawedar ring rubrik Bali Orti (Bali Post) rahina Redité Paing, 22 Juni 2014.