Nungkulang Suwung
Olih: Ida Bagus Gedé
Parwita
 |
| Gagambaran Olih Made Budiana |
Pidabdab suwung nutug
tungtung paliat
Ngelingin pangedih
sané setata nulak pangrasa
Nyiriang ala ayu
pamurna uripé
Mamargi doh malali
Ngalilayang idep
Genah suwung kayuné adung
Neng nungkulang awak
Nyuhjuh langité pelung
Matemu ring wates paliat
Sangkaning pitresna ngukuhang tatuwek anginé
Manah segara ninggal pretiwi
Ngawit saking kadayuhan manah
Ngusap dingin tukad gunungé
Ningkesang sakancan pangrasa
Puput katunan
Luput murnayang
Ala ayu majumu
Sadina matemu
Adung
Nungkulang suwung
.jpeg)
No comments