Gendingan Dot Ketemu

 Olih: W.S. Réndra

"Meraba Diri" Gagambaran Ivan Sagita

Tegakin tiang jarané orahin tiang malaib.

Becat, becat gati, nyujur umah idéwané.

Tatkala bulané

tan mari nyapatin aji sunarné

miwah petengé ané ngangobin

uli carang punyan-punyanané ngulapin.

Megat tukad tongosé kacunduk ipidan

kadirasa dingeh gendingan dot katemu

saling timbalin ajak munyi ngasih-asih

uli sakancan batuné ané liput yéh.

Tegakin tiang jarané orahin tiang malaib.

Becat, becat gati, nyujur tongos idéwané.

Marawat di mata

idéwa ngantiang

sarwi mlintir

bok idéwané ané lantang.

NB: Puisi puniki kabasabaliang antuk IDK Raka Kusuma saking murdannyané “Serenada Hijau”