Puisi-puisi I Wayan Esa Bhaskara; Damuh
 |
| Sumber Gagambaran: www.pinterest.com |
Damuh
mirib
niki karma sané ngeranang ada
ring
muncuk donné
ditu
selagan sledétan ainé nyusup ka ulu ati
tresna
damuhé embas,
ngarembun
sampun lintang
dados
lantang, ngindang
ditu
titiang mengkeb
minab
genah becik
diastun
cupek
tuah
amuncuk jriji
titiang
irika kanti kalahin semeng
(2018)
Toya
toya
mawadah bumbung
tunas,
siup
dados
tamba pagrasa
matemu
lega, dados gesit ring ulu ati
jebos-jebos
toyané
ampehang angin
ngigel
di ambarané
toya
mamargi
anyud
ring tukad
disubané
neked pasih
raris
masadu
sayan
leleh
ngusud
toyané ngembeng
madaging
lawat bulan
(2018)
Ujan
gulemé
matemu kebyah tatit
ditu
ring langit merajané
mabriuk
pupuh
sané pidan mewali
paketéltél
tan
mresidang nambakin
tusing
nyidayang ningalin
mategul
dados bakti
jantos!
galangé
dados peteng
petengé
ngamargiang tuuh
diolas!
unduké
punika margi sané becik
lantang
basang
manah
galang
(2018)
Swéca
pada
melenan
déwék
mawarna
putih,
barak, kuning sinah ané lianan
mapupul
asiki
pajalané
soang-soang
sampun
uning
engsap
kalawan
inget
numbas
wénten
ngadol
sami
polih matungkalik
galang
lan peteng
sinah
isin gumi
swécan
Widhi
(2018)
Rahinané Ento
anginé
melaib, tindakan ujané sada lek
nanging
pamargin iraga sampun presida puput
titang
boya ja paling ririh, minab ten madué pelih
éling,
éling, becik melah hidupé nyandang baosang malih
éling,
ening
rahinané
ento mamargi dab-dab
mendak
surya
(2017-2018)
Jepun Putih
semeng
sané sampun lintang, wénten lawat ring muncuk ainé
ngliyunang
kedisé ngindang di langité, endang
kalér,
kelod, kangin, kauh andus dupané punyah
tan
puput minyik ngalub ngiasin sekancan entik-entikan
kéto
masi bungan jepuné putih dusdus andus
kanti
saru kanti muncuk méru
menék
andusé galang guminé
tipis
ambuné kedas warnané buat bungané ngelantur kembang
mamanak
macucu ngayahin indria
(2017-2018)
magenah ring Tabanan, Bali. Ngawit 2014 makarya dados guru Bahasa Indonésia ring SMK Negeri 1 Dénpasar.
No comments