Puisi-Puisi Taufiq Ismail; Karangan Bunga*

Sumber Gagambaran

Merdéka Utara

Panser Saladin nyeleg dadua

Maroda baat kabinawa

Pasléngkat pangempet rurung

Lénan tekén ento ané ada tuah suung

Péngkolané dadua ané sepi jampi

Jagain anak ngisi bren masayaga

Langit semengané ané pelung pasaja

Malingsé dadi tangi, dadi tangi

Karangan Bunga

Anak alit sareng tiga

Banban mamarga

Rauh ka Salémba

Sorene punika

Mabaos “Niki aturan titiangé sareng tiga

Pita selem masikian sareng karangan bunga

Pinaka cihna sebet tan kadi

Ring bli sané kabedil kantos séda

Tengainé nuni”

Arithmétik Saderana

Malajahin Adham Arsyad

Kanti jani iraga setata

Keda-keda

Lan ngraos:

Dua jangin dua

Dumadak pada teken patpat

*) Puisi-puisi sané kaunggahang iriki kaambil saking cakepan “Benteng dan Tirani” lan kabasabaliang antuk IDK Raka Kusuma